Unidad mobil di DVG a cuminsa vacuna na casnan di cuido awe tambe

Posted on 02/23/2021 3:53 pm AST | Updated on 02/23/2021 3:55 pm AST

ORANJESTAD - Awe mainta a sali direccion pa casnan di cuido e unidad mobil di DVG. E unidad ta ekipa cu dokter, enfermera, personal administrativo y chauffeur pa di e forma aki pasa na cada cas di cuido pa vacuna nos grandinan y tambe e personal di e diferente casnan di cuido rond Aruba. E personal di e unidad mobil ta completamente ekipa pa prepara e vacuna na sitio y tambe ta ekipa pa asisti medicamente den caso cu presenta cualkier situacion unda extra asistencia medico ta nesesario. Tur casnan di cuido a wordo avisa adelanta pa nan por prepara pa ricibi e unidad mobil na nan fecha stipula.

E prome cas cu a ricibi nan vacuna contra Covid-19 awe tabata cas di cuido Oasis na Monserat. Sr. Alejandro Sanchez, gerente di e cas di cuido tabata prome pa ricibi e vacuna na sitio. Segun DVG, ta di admira y remarca cu mayoria di e personal y habitante nan di Oasis a bai di acuerdo pa ricibi e vacuna. E unidad mobil a wordo bon ricibi na cas di cuido menciona. Den transcurso di e siman aki lo yega na tur casnan di cuido. 

E unidad mobil aki tambe lo vacuna pashentnan cu ta bedlegerig na cas y no por bay un prikpost pa ricibi vacuna. Es cu tin un familiar cu ta bedlegerig na cas y ta desea cu e persona ta haya e vacuna, tuma contacto cu su dokter di cas y dokter di cas lo regla pa e unidad mobil yega na cas cerca e pashent.

  • Gobernador di Aruba a reuni cu embahador di Reino pa Colombia

    Gobernador di Aruba a reuni cu embahador di Reino pa Colombia

    ORANJESTAD - Riba dialuna 1 di maart 2021 Gobernador di Aruba, Su Excelencia Alfonso Boekhoudt, a ricibi Señor Ernst Noorman (Embahador di Reino na Bogota, Colombia) pa un audiencia na Cas Ceremonial di Gobernador. Durante di e bishita aki, miembro di e delegacion Thys Hoekman (Prome Secretario di Asuntonan Politico), como tambe Ghislaine Nicolaas (Beleidsmedewerker Directie Buitenlandse Betrekkingen) a acompaña Señor Noorman. 

  • Aruba ta registra un morto mas y 17 caso positivo nobo di Covid19

    Aruba ta registra un morto mas y 17 caso positivo nobo di Covid19

    ORANJESTAD - Segun resumen di awe, a registra un total di 17 caso nobo di Covid-19, di cual 8 ta no-residente. E cifra di no-residente positivo ta ensera esnan no-residente cu ta test na aeropuerto na nan yegada y na laboratorionan prome cu nan bandona Aruba.  E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 469 test. 'Postivity rate' entre nos residentenan ta 26% y 60 persona a recupera.

  • Encuesta di Noticiacla riba vacunacion pa Covid19 na Aruba

    Encuesta di Noticiacla riba vacunacion pa Covid19 na Aruba

    ORANJESTAD - Awor cu tin un siman y mei cu Aruba ta vacunando contra Covid19, noticiacla ta interesa pa sa con ta bayendo cu esaki. Si bo a vacuna caba, con bo experiencia tabata, of si bo no a haye ainda, pakico esaki ta. E encuesta aki ta solamente pa esnan cu ta biba na Aruba. E resultado manera semper ta pa metanan puro noticioso y ta keda anonimo manera semper.  Nos ta gradici bo pa bo participacion. Pa participa, click AKI

  • Aruba a registra apenas 15 caso positivo nobo di Covid19

    Aruba a registra apenas 15 caso positivo nobo di Covid19

    ORANJESTAD - Segun resumen di  a registra un total di 15 caso nobo di Covid-19, di cual 7 ta no-residente. E cifra di no-residente positivo ta ensera esnan no-residente cu ta test na aeropuerto na nan yegada y na laboratorionan prome cu nan bandona Aruba.  E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 516 test. 'Postivity rate' entre nos residentenan ta 22% y awe 32 persona a recupera.

  • Mas di 6000 hende a vacuna contra Covid19 caba na Aruba

    Mas di 6000 hende a vacuna contra Covid19 caba na Aruba

    ORANJESTAD – Mas di 6000 ciudadano di Aruba (6005 pa ta exacto) a vacuna caba contra Covid19. Di e grupo aki, 4555 tabata di e grupo di 60+. Tambe mester menciona cu mas di 21 mil ciudadano a registra pa vacuna, di cual e grupo di 6 mil ta bin. Si tuma nota sinembargo cu tin mas of menos 17 mil persona registra na Aruba cu ta pertenece na 60+, ainda falta 7773 persona di 60+ cu mester registra y haya nan vacuna. Pero, e ta mas cu e cifra tabata inicialmente. Manera cu minister di salud Dangui Oduber a bisa na comienso di dia awe, ta premira cu pa otro siman diasabra, e prome lote di 11.700 vacuna, lo caba y cu e siman aki lo por vacuna mas cu a bisa pa dia. Inicialmente a kere cu lo vacuna 800 persona pa dia, pero ya a surpasa esaki caba. 

  • Stichting Parkietenbos a entrega mas di 3000 firma pa cera Dump

    Stichting Parkietenbos a entrega mas di 3000 firma pa cera Dump

    ORANJESTAD  - Recientemente e fundacion Parkietenbos a entrega mas di 3000 firma na gobierno urgiendo pa soluciona Ser’i Teishi, stop di kima sushi na Dump, sera e luga y alaves soluciona e contaminacion di huma di WEB Aruba. Tur aña for di luna di Juni pa November durante e temporada di horcan cu biento cambia, e habitantenan ta sufri enorme di e molesternan aki y nan ta haya malesanan cronico y hasta por ta fatal. Tanten cu bo no ta drumi of lanta mainta den e barionan, cualkier persona no sa den ki sufrimento e habitantenan ta pasa aden. Tin biaha den oranan di anochi bo ta lanta sofoca pa e huma y holo malo cu ta bay den direccionnan di e casnan den e vecindario debi na e cambio di direccion di biento pa lunas largo. Pues ya ta laat, ta lihe mester haci pa soluciona e desastre ambiental aki cu ta afectando e barionan ya pa décadas.  

  • Powered by SETAR