A suavisa medidanan na Hulanda pero Toque de Queda ta keda

DEN HAAG – Mientras cu gabinete Mark Rutte a anuncia algun suavisacion di medida pa cu Covid19 diamars, e Toque de Queda ta keda vigente te por lo menos 15 di maart. Tiendanan por ricibi bishita entrante 3 di maart, basta nan a haci cita prome. Tambe por bishita pelukero. Ofishi den grupo ta permissible, pero aki tambe, solamente cu cita. Y deporte di contacto pafo ta possible pa hende di edad te 27 aña. 

TDQ

E Toque de Queda ta keda sigur te dia 15 di maart ora cu e eleccion di Tweede Kamer cuminsa. Un siman prome, riba 8 di maart, gabinete ta anuncia si e medidanan vigente ta keda prolonga te despues di 15 di maart. Si esey ta e caso, durante eleccion lo tin un excepcion pa votadornan y esnan cu ta conta voto. Nan lo no haya un multa si nan viola e TDQ.