Oduber: E plan ta pa vacuna 300 persona pa dia e siman aki contra Covid19

SAN NICOLAS – Te cu diadomingo, 1194 persona di e 12748 persona cu te awor a registra, a vacuna. Esaki ta cifranan te cu diadomingo. Minister di Salud Dangui Oduber a mustra dialuna mainta, cu e siman aki e plan ta pa dia, vacuna 300 persona pa dia (usando dos centro di vacunacion), y entrante prome siman di maart, ora cu habri tur 4 centro di vacunaciona, pa vacuna entre 800 pa 1000 persona pa dia. Asina mester yega na e plan pa logra 80% di e población cu ta bin na remarke pa haya e vacuna, di ricibi nan vacuna. Di siman pasa diaranson pa diadomingo, a vacuna mayoria, si no ta tur esnan den cuido cu ta necesario. Dialuna (awe) a inicia cu e proceso pa vacuna esnan riba 60 aña (60+), aunke cu (manera relata den un articulo anterio) apenas 5 mil  persona di e grupo ey, a vacuna, siendo cu tin 17 mil persona cu ta cay den e categoria ey.