Persecucion formal tras di chauffeur turista intoxica awe nochi

Persecucion formal tras di chauffeur turista intoxica awe nochi

Posted on 02/19/2021 11:17 pm AST | Updated on 02/19/2021 11:19 pm AST

SAVANETA - Awe nochi despues di 9’or a cuminsa un persecucion formal entre polis y un Kia Picanto blanco numera V-4404 pa motibo cu e dicho auto tabata core inresponsabel riba caminda. E chauffeur di e Kia Picanto a ocasiona un accidente na retonde di Pos Chiquito y a sigui bay direccion pariba na altura di Citgo Savaneta la bolbe ocasiona un otro accidente y a sigui bay direcion San Nicolas. Na altura di retonde FTA patruya di San Nicolas a topa cu e dicho auto. E patruya a dune e chauffeur señal pa para pero ta keda nenga di cumpli cu esaki . A cuminsa un persecucion formal na unda e Kia Picanto a dal den diferente auto y despues dal frontal cu un autobus na altura di House of Cake Savaneta. Na dado momento a logra para e auto pero e chauffeur femenino a cuminsa manda e auto dirigi riba polis. Polis lo mester a usa su arma reglamentario y a los tiro, pero asina mes e chauffeur femenino a sigui core e auto. Polis cu refuerso a logra para e dicho auto aki pero aki ta unda cu e chauffeur femenino cu tabata bou influencia di un of otro substancia a resisti formalmente cu e agente policial siendo cu e ta herida. Agentenan a domina e situacion y ta logra deteni e persona femenino aki.Mirando e situacion serio aki e departamentonan concerni di KPA entre otro Polis di trafico y Polis technico a yega na e sitio pa asina cuminsa cu e investigacion. Landsrecherche y Slachtofferhulp tambe a wordo poni na altura.E situacion di e chauffeur femenino ta stabiel y a wordo hiba hospital pa mas tratamento medico avansa. Potret cortesia KPA

  • Durante inval marduga, a encontra uniformnan di polis

    Durante inval marduga, a encontra uniformnan di polis

    SAN NICOLAS -- Awe mainta team di recherche di San Nicolas (DAR3) conhuntamente cu diferente team di Cuerpo Policial a haci un entrada hudicial na diferente casnan entre otro Caya Butishi, Mabon y Boroncana.

  • Polis a detene 4 persona awe mainta durante entrada hudicial

    Polis a detene 4 persona awe mainta durante entrada hudicial

    ORANJESTAD - Awe mainta team di recherche di Oranjestad (DAR1) conhuntamente cu diferente team di Cuerpo Policial a haci un entrada hudicial na un cas na Caya Bohi.

  • Polis a detene homber pa abuso sexual di menor di edad

    Polis a detene homber pa abuso sexual di menor di edad

    ORANJESTAD - Diasabra Jeugd en Zeden Politie a detene e homber M.O. naci na Aruba di 25 aña pa abuso sexual di un menor (artikel 2:199 y 2:208 di nos codigo penal).

  • Polis mester a para varios fiesta ilegal den weekend

    Polis mester a para varios fiesta ilegal den weekend

    ORANJESTAD – Den fin di siman varios grupo di persona na Aruba a dicidi di ‘burla’ atrobe di e reglanan stipula pa e.o. bringa e contagio di Covid19. Tabatin varios fiesta ‘clandestino’ unda cu tabatin aglomeracion di hende den apartamento y of casnan na Aruba, unda cu polis mester a interveni. Varios caminda tabatin polis cu a logra kibra e fiesta pero tambe tabatin otro caminda cu esaki no a sosode, debi cu nan lugar no tabata conoci.

  • Awe ta dicidi si ta prolonga detencion di Jason M pa a tene relacion sexual cu menor di edad

    Awe ta dicidi si ta prolonga detencion di Jason M pa a tene relacion sexual cu menor di edad

    ORANJESTAD – Despues di a pasa e proceso inicial di interogacion, e sospechoso Jason M. (39) a keda encarcela (in verzekering gesteld) diahuebs atardi. E ta oficialmente sospecha di abuso sexual cu un menor (artikel 2:200 y 2:203 di nos codigo penal), concretamente segun vocero di ministerio publico Ann Angela, ‘A tene relacion sexual cu un menor di edad’. Durante un entrada hudicial diahuebs mainta, a confisca varios artefacto di M, y a pasa pa detene pa interogue. Esey a tuma su tempo reglamentario pa despues na final di dia, pasa pa encarcele pendiente su presentacion dilanti Huez Comisario awe. Awe e Huez Comisario  lo dicidi si ta prolonga e detencion den cuadro di e investigacion cu 8 dia mas. 

  • Polis a detene homber pa abuso sexual di menor

    Polis a detene homber pa abuso sexual di menor

    ORANJESTAD — Awe mainta Jeugd en Zeden Politie a detene e homber J.I.M. nasi na Curaçao di 39 aña pa abuso sexual cu un menor (artikel 2:200 y 2:203 di nos codigo penal).  A hasi tambe un entrada hudicial na su cas y eynan a confisca entre otro computer, laptop y telefoon.

  • Powered by SETAR