- Gobernador di Aruba a reuni cu embahador di Reino pa Colombia
- BCA: ‘Business Perception Index’ a mehora modera den e di cuater trimester di 2020
- Parlamento a aproba Codigo Civil nobo e.o. implementacion controversial pa registra union civil
- Aruba ta registra un morto mas y 17 caso positivo nobo di Covid19
- Diferencia di opinion den RED mes pa vacuna contra Covid19
Lotto ta introduci su wega nobo di Lucky 3 cu Multi-X
(ADVERTORIAL)
ORANJESTAD - Diasabra 20 di februari, Lotto, e loteria di Aruba, ta contento di por anuncia lansamento di e wega nobo ‘Lucky 3’ cu ‘Multi-X’, un wega adicional cu ta duna bo e oportunidad pa multiplica bo ganashi te cu cinco biaha!
Abo ta cla pa multiplica bo suerte? Lucky 3 ta un wega di 3 cifra for di 0 – 9, cu lo tin sorteo di merdia y anochi, pues ta invita pueblo di Aruba pa pasa cumpra nan ticket for di diasaba merdia of anochi caba. Bet ta cuminsa desde 0.50 te cu 50 florin (50 pida) y e prome premio di Lucky 3 ta 500 florin. Multi-X ta duna bo e oportunidad di gana bo premio di Lucky 3 mas un extra chens, multiplica bo premio di Lucky 3 te cu dobbel, tripel of cinco biaha mas.
‘Multi-X’ ta un wega adicional pa bo hunga solamente riba e wega di Lucky 3, dunando bo e chens pa multiplica bo ganashi.
Con pa hunga?
Bo ta cuminsa na cumpra bo Lucky 3 cerca bo rebendedo di Lotto preferi of bishita Lotto Online. Bo ta escohe bo 3 cifranan for di 0 – 9 mas bo suma di bet, y pidi bo rebendedo pa agrega e Multi-X na bo compra di Lucky 3, cual lo bira e mesun suma cu bo a bet pa Lucky 3. Si bo a cumpra 1 florin na Lucky 3 y bo a agrega Multi-X, automaticamente Multi-X lo costa 1 florin tambe y bo ticket lo costa 2 florin.
Durante sorteo di Multi-X si e bala FP sali, bo ta gana e prome premio di Lucky 3 y bo ta haya un chens extra pa e siguiente sorteo di e mesun orario. Si sali e bala X2, bo ta gana dobbel e premio di Lucky 3 cu lo bira 1.000 florin (500 x2), si sali un bala X3 bo ganashi ta bira tripel cu lo bira 1.500 florin (500 x3), anto si sali X5 e ta bira cinco biaha mas y bo a gana 2.500 florin (500 x5).
Busca bo Lucky 3 y multiplica bo ganashi cu e wega adicional nobo di Multi-X, multiplicando bo suerte den 2021! Sintonisa na e sorteo cu ta pasa tur dia 2:30pm y 6:30pm, y diadomingo 2:00pm.
Cumprando Lotto, bo ta keda contribui na deporte riba nos isla. E meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
BCA: ‘Business Perception Index’ a mehora modera den e di cuater trimester di 2020
ORANJESTAD - Banco Central di Aruba (BCA) recientemente a conclui e encuesta di percepcion di negoshi pa e di cuater trimester di 2020. E encuesta di percepcion di negoshi ta evalua e percepcion economico y confiansa di e negoshinan local, como tambe e impacto continuo causa pa e pandemia di COVID-19 riba condicionnan economico y actividadnan di negoshi.
Tripadvisor ta pone Aruba den top 25 di beachnan mundial pa 2021
MIAMI – E portal popular di turista Tripadvisor a nombra Aruba atrobe den e top 20 di beachnan popular, pero awor pa 2021. No obstante e pandemia, Aruba ta parce di keda popular pa turistanan cu a biaha y conoce Aruba. Tur aña na comienso di aña e portal ta lansa su lista di miho beach. Cu Australia na prome lugar, Aruba su di 7 lugar (Eagle Beach) no ta nada malo. Den e biaha aki, tambe ta tene na consideracion, no solamente e beachnan cu turistanan a bishita, sino tambe esnan cu nan lo kier bishita, pero no por, debi na e pandemia.
IMF y S&P ta evalua e situacion financiero y economico di Aruba
ORANJESTAD - E siman aki Fondo Monetario Internacional IMF y e compania di rating Standard and Poor's S&P ta evalua Aruba su situacion financiero y economico. Asina minister di finanza Xiomara Maduro a bisa. E mandatario a informa cu e biaha aki debi na e pandemia IMF y S&P no lo ta fisicamenta presente den un 'on-site visit' manera custumber, pero nan lo reuni cu tur instancia y persona relevante pa nan por haci un evaluacion debido di Aruba via reunionnan digital.
Boxdo professional retira Floyd Mayweather ta na Aruba atrobe
ORANJESTAD – E boxdo professional Mericano retira Floyd Mayweather (44) ta na Aruba atrobe pa un vacacion di algun dia. Aña pasa e tabata na Aruba caba unda cu el a disfruta di nos isla y a bishita lugarnan manera e.o. Renaissance Island y a publica e potretnan aki riba su cuenta di instagram. E siman aki el a yega Aruba atrobe cu su jet priva cu ta hiba su nomber. E ta conoci como un di e boxdonan mas rico na mundo cu un balor di entre 560 miyon pa 1 biyon dollar Mericano. Manera ta conoci e gusta Aruba y aña pasa Aruba tabata number 13 di e 15 destinacionan vacacional cu el a bishita na 2020. Potret di su avion ta cortesia di 297 spotters.
KvK a topa cu gobierno riba mehoracion economico di Aruba
ORANJESTAD – Riba diabierna, 19 di februari ultimo, directiva di Camara di Comercio y Industria Aruba (KvK) a tene un reunion cu señora Evelyna Wever Croes, Prome Minister, y señora Xiomara Maduro, Minister di Finansas, Asuntonan Economico y Cultura, tocante cierto temanan, incluyendo algun punto cu ta figura den e “Landspakket” Aruba. E acuerdo cu Hulanda ta fungi como un guia pa nos Pais pa cu e decisionnan cu wordo tuma den bienestar di nos comunidad y lo mester conduci na reformanan structural, economico, financiero, social y institucional cu e meta pa haci Aruba mas resistente y menos vulnerabel, sin pone nos autonomia den riesgo.
AHATA: Seis casino lo ofrece cambio di florin pa dollar desde maart
ORANJESTAD - Danki na un acuerdo nobo cu Mack’s Exchange Services, seis casino na Aruba por ofrece cambio di florin na dollar, cuminsando na luna di maart.
Follow NoticiaCla
