EcoGas a ricibi tankinan extra pa almacena gas LPG pa uso industrial y comercial

(ADVERTORIAL)

BARCADERA – E siman aki e compania EcoGas a ricibi algun tanki grandi como parti di nan proceso di expansion di operacion di suministro di gas LPG industrial y comercial na Aruba. Ta trata di un operacion grandi pa mobilisa tres tanki grandi di gas di 120 mil gallon cada un cu tin un peso di 85 tonelada cada uno. Mester a transporta esaki cu su retonan pa e planta na EcoGas unda cu nan a keda instala. Transporte specialisa di Atco a handle henter e operacion aki porcierto. E intencion ta pa unabes e instalacion ta completo, cu e por tin capacidad di almacena por lo menos 400 mil gallon di gas LPG industrial, reparti den 5 tanki. Actualmente EcoGas tin dos tanki operacional caba di 30 mil gallon cada uno cu ta bon pa 60 mil gallon. Cu e tres tankinan grandi aki, e capacidad lo aumenta te na 420 mil gallon di gas LPG. E tankinan lo keda abastece pa barconan special cu cada bez ora cu ta necesario.