Robot exploratorio Perseverance a aterisa riba planeta Marte

AMSTERDAM – E robot exploratorio di NASA Perseverance a logra aterisa exitosamente riba planeta Marte diahuebs. E robot via un nave especial a cuminsa su biahe 7 luna pasa. E robot mester a aterisa riba e parti west di e krater Jezero, unda cu supuestamente 3 miljard y mei aña pasa tabatin un riu. E aterisahe a dura 7 minuut, yama ‘e 7 minuutnan di teror’ pasobra ta durante e 7 minuutnan aki e robot mester a aterisa. Y durante e 7 minuutnan aki, e expertonan na NASA no por a haci nada sino sinta warda. Y tabata por lo menos 11 minuut prome cu e prome imagen entre Marte y planeta Tera, tabata disponible. Ta e di 5 robot cu ta aterisa riba e planeta, pero esun mas sofistica. E tin como mission pa determina si tabatin bida riba e planeta un tempo.