CAft kier gobierno revoca reduccion di 2% di loonbelasting

DEN HAAG/ORANJESTAD – E colegio di supervision financiero CAft kier pa gobierno revoca e ‘reduccion di 2% den loonbelasting’ recientemente anuncia of pa aumenta un otro impuesto na su lugar. Asina e colegio ta bisa den su conseho riba e concepto di presupuesto 2021. CAft kier pa gobierno asina duna oido na e palabracion haci pa cu e landspakket unda cu mester implementa un restructuracion fiscal y no haci cambionan manera cu a haci recientemente. Y tambe ta pidi pa usa e conseho di IMG di December 2018. CAft ademas ta sugeri 15 recomendacion pa tene cuenta cu ne. Gobierno a informa caba cu 5 di nan a keda implementa, pero no a indica cu a di nan esaki ta. Ademas, a bisa caba cu e ultimo conseho, esta pa entrega e presupuesto mas tarda 1 di februari 2021, nan lo no cumpli cu ne pasobra e ta irealistico debi cu mester di tempo pa pasa e proceso di consultanan manera raad van advies. Pesey a bisa cu esaki lo por sosode pero pa fin di februari 2021.