KLM/Air France a sufri 7.1 biyon euro na perdida debi na pandemia

AMSTERDAM – E aeroliña Hulandes Frances KLM/Air France a cera aña 2020 cu un perdida netto di 7.1 biyon euro. Esaki ta debi na e pandemia. Segun un di e hefenan Ben Smith, ta papia di e crisis mas pio cu e aeroliña a confronta den tur tempo. E entradanan a baha cu 59 % te na 11.1 biyon, y e cantidad di pasahero a baha cu 67.3% te 34 miyon pasahero. Pa purba mitiga e daño a purba ahusta e cantidad di personal, y a reduci esaki cu 8700 trahado cu ta reduccion di gasto di personal cu 35%. 

GARANTIA

Mientrastanto nan a haya 10.4 biyon na prestamo y garantia. Un 3.4 biyon a bin di Hulandap pero no a haci uso completo di esaki.