Corsou ta ricibi su prome lote di vacuna contra Covid19 awe

WILLEMSTAD – Awe Corsou ta ricibi su prome lote di vacuna contra Covid19. Asina minister  Zita Jesus Leito a bisa. No ta conoci cuanto vacuna lo yega e isla, pero segun e mandatario, nan ta suficiente pa e prome fase. Mescos cu Aruba y Bonaire cu a ricibi nan prome lote diamars atardi, Corsou tambe ta haya e vacuna di Pfizer. Y na Corsou tambe tabatin mester di instala freezernan special pa warda e vacunanan bou di un temperatura di -80 grado Celcius. Na Corsou tin un centro di warda nan cu ta na SEHOS (St Elizabeth Hospital). Inicialmente a bisa cu e vacunanan lo yega Corsou te den fin di siman, pero mas despues a coregi esaki y a bisa cu e ta yega awe diaranson. E potret ta di e cargamento cu a bay Aruba ayera, y ta saca na Schiphol Hulanda.