Francia ta pospone eleccion regional debi na Covid19

PARIS – Francia a dicidi pa pospone e eleccionan regional cu tres luna, debi na e pandemia di corona. E parlamento a pasa un ley diamars anochi cu ta permiti pa e eleccion tuma lugar na juni di e aña aki envez di maart di e aña aki. E gobierno Frances ta preocupa cu e virus por plama lihe entre e votadornan, ora cu nan ta para den fila na e urna electoral. Posponemento di eleccion na Francia ta hopi inusual, pero a sosode aña pasa caba, ora cu e eleccionan municipal a wordo posponi di maart pa juni, pasobra e pais tabata den ‘lockdown’. E proposicio di e posponemento nobo aki a wordo haci pa e premier Jean Castex for di November ora cu su pais tabata den e di dos lockdown. E gobierno ta evaluando un di tres lockdown. Francia tin e di 5 cifra mas halto di contagion a mundo. E virus a contagia 3.5 miyon habitante y 83 mil a fayece a consecuencia di e virus.