Corte: A suspende sentencia anterior, y Toque de Queda na Hulanda ta keda

Corte: A suspende sentencia anterior, y Toque de Queda na Hulanda ta keda

Posted on 02/16/2021 4:16 pm AST | Updated on 02/16/2021 4:20 pm AST

DEN HAAG – E sentencia di e corte di Den Haag diamars mainta cu mester para e Toque de Queda (TDQ) mesora, a keda suspendi. Asina corte a dicidi diamars anochi den appèl na Hulanda. Esey kier men cu e TDQ ta keda vigente awe nochi. Segun Corte, e interes di Estado ta mas grandi cu e interes di e grupo di accion Viruswaarheid. Corte ta sinti cu mester evita un efecto di jojo, osea un dia si, un dia no. Esaki indicando cu si corte awor dicidi di no suspende e sentencia, y despues den un caso di profundidad dicidi otro, e ora mester bolbe adapta e situacion. E presidente di e grupo di accion a rabia. “Bo ta cometiendo un fayo grandi. Esaki ta inaceptabel. Bo a bay toch den contenido” Willem Engel a bisa. 

Prome cu e caso, tabatin e parti unda cu e grupo kier a ‘cambia’ e hueznan, pasobra e grupo no a considera e tres hueznan como imparcial. Pero corte a rechasa e peticion pues e hueznan original mes a trata e caso. Y awor ta trata e caso di apelacion, bayendo den contenido, diabierna mainta. 

 

 

  • Corte di apelacion ta dicta na fabor di Gabinete Rutte. TDQ ta legal

    Corte di apelacion ta dicta na fabor di Gabinete Rutte. TDQ ta legal

    DEN HAAG – Gabinete Rutte debidamente tabata permiti pa usa e ley di emergencia pa impone e Toque de Queda. Cu esaki Gabinete Rutte a gana su caso den apelacion contra e funrdacion cu a bring’e pa para e TDQ. Siman pasa diamars corte di prome instancia a dicta cu gobierno mester a para e TDQ inmediatamente debi na su ‘ilegalidad’. Mesora Gobierno a pidi pa un huez suspende e decision ey pendiente tratamento di e apelacion algun dia despues. A concedi gobierno esey. E siguiente diabierna (un siman pasa) corte di apelacion a trata e apelacion pero a informa cu ta te cu awe diabierna, e lo a dicta e sentencia. Mientrastanto e TDQ tabata vigente. Cu e sentencia aki, gabinete Rutte por sigui cu e TDQ. A sigura cu e medida ta uno corecto y necesario pa yuda contene e brote di e virus aki.  

  • Sector horeca na Hulanda lo protesta otro siman y habri negoshi

    Sector horeca na Hulanda lo protesta otro siman y habri negoshi

    AMSTERDAM – E sector di horeca na Hulanda (parti anto) tin pensa di protesta contra medidanan extendi di gobierno Hulandes contra Covid19. Mientras cu a suavisa varios medida, esaki no tabata e caso pa e sector aki. Como tal un grupo di accion di 65 departamentonan local di e sector aki a dicidi pa haci un yamada na coleganan pa otro siman diamars protesta masalmente door di habri nan terasa y ricibi huesped. E grupo aki a bisa di a cansa y no por mas. A tene tur hende trankilo, pero awor no por tene nan mas keto.  

  • Besaril: Koelbox pa di dos fase di vacunanacion na caminda pa Aruba

    Besaril: Koelbox pa di dos fase di vacunanacion na caminda pa Aruba

    DEN HAAG  – ‘E cantidad di koelbox pa e di dos fase di vacunacion na Aruba ta na caminda pa nos isla.’ Esaki tabata palabranan di Minister  Plenipotenciario Guillfred Besaril na momento cu e carga di e koelboxnan a yega ayera, diaranson 24 di februari na e loods di Carib Intertrans na Capelle aan de Ijssen pa wordo transporta pa Aruba. Tambe presente director di Carib Intertrans Vladimir Römer.

  • A gara lote mas grandi di heroina di historia na Hulanda

    A gara lote mas grandi di heroina di historia na Hulanda

    ROTTERDAM – Na Hulanda autoridad a intercepta 1500 kilo di heroina. Segun ministerio publico, ta trata di e mayor intercepcion di heroina na Hulanda. E droga tin un balor di mas of menos 45 miyon euro. Den e investigacion a lgora detene 5 sospechoso. E droga tabata scondi den un container cu salo di Himalaya for di Pakistan. Basa riba informacion Britanico, a haci un entrada hudicial dia 9 di februari na un adres na Hulanda y a detene 5 persona. Segun corte di Rotterdam, 3 di e 5 personaan lo keda 3 luna deteni por lo pronto. Dos a recobra libertad pero ta keda sospechoso. Mientrastanto a destrui e droga. 

  • A suavisa medidanan na Hulanda pero Toque de Queda ta keda

    A suavisa medidanan na Hulanda pero Toque de Queda ta keda

    DEN HAAG – Mientras cu gabinete Mark Rutte a anuncia algun suavisacion di medida pa cu Covid19 diamars, e Toque de Queda ta keda vigente te por lo menos 15 di maart. Tiendanan por ricibi bishita entrante 3 di maart, basta nan a haci cita prome. Tambe por bishita pelukero. Ofishi den grupo ta permissible, pero aki tambe, solamente cu cita. Y deporte di contacto pafo ta possible pa hende di edad te 27 aña. 

  • Cantidad di casonan positivo pa dia di Covid19 na Hulanda a aumenta atrobe

    Cantidad di casonan positivo pa dia di Covid19 na Hulanda a aumenta atrobe

    BILTHOVEN – Entre diahuebs y diabierna mainta, tabatin 4761 test positivo di corona registra na Hulanda. Esaki ta atrobe mas cu e promedio di siman pasa cu tabata riba 3705 pa 24 ora segun cifra di Rijksinstituut voor Volksgezondheid en Milieu (RIVM). E cantidad di pashent hospitalisa a aumenta tambe durante e ultimo 24 ora. E cantidad di morto a aumenta cu 50. Diahuebs a registra 74 morto, diaranson 89 y diamars 88. Esaki no kier men necesariamente cu nan a muri den e ultimo 24 ora ya cu e cifranan ta wordo duna despues. Rotterdam tabatin e cantidad mas halto di casonan positivo cu 205, sigui pa Amsterdam cu tabatin 119, Den Haag 85. Despues ta sigui Zaanstad cu 81 caso y Purmerend cu 78 caso.

  • Powered by SETAR