Polis na Hulanda den caso Mitch Henriquez a perde su caso den casacion

DEN HAAG – E sentencia di e polis na Hulanda cu a impone e asina yama ‘nekklem’ na detencion di e Arubiano Mitch Henriquez na 2015, ta definitive. Asina e setencia di Corte di Apelacion a dicta diamars. Na 2019 e polis en cuestion a haya un castigo di prison condicional  den apelacion. El a bay den casacion contra e sentencia aki. Abogado general a recomenda na November di aña pasa pa mantene e sentencia. Corte di Casacion a mantene e sentencia ey. Tabata na 2015 Henriquez a keda deteni na Zuiderpark na Den Haag durante un festival. Ora cu el a resisti e detencion, polisnan a usa violencia contra esaki, cu a resulta finalmente den morto di e Arubiano un dia despues. Dos agente a keda persigui pa e detencion di cua, uno a wordo declara liber y e otro culpable.