Gobierno Hulandes ta apela decision di huez pa cancela TDQ mesora

Gobierno Hulandes ta apela decision di huez pa cancela TDQ mesora

Posted on 02/16/2021 8:11 am AST | Updated on 02/16/2021 8:12 am AST

DEN HAAG – Gobierno Hulandes ta bay bringa e suspension di Toque de Queda (TDQ). Via un asina yama spoedappèl, lo pidi huez pa suspende e sentencia di mas prome cu a bisa cu mester suspende e TDQ, te ora cu por entama un caso regular di apelacion. E caso di suspension ta tuma lugar awe mainta 11’or ora di Aruba (4pm ora di Hulanda). E pregunta cu si e TDQ por keda vigente definitivamente of si e mester wordo cancela, lo keda trata riba un otro fecha.  

SUSPENSION

Huez a dicta diamars cu e TDQ mester wordo cancela ‘per direct’, cu ta un caso cu e fundacion Viruswaarheid a entama. Segun e huez, e medida a wordo tuma riba base robez. Ademas e TDQ ta viola e derecho di libertad di movimiento y bida diario di e ciudadano Hulandes. Pa e TDQ mester tin un forma di decision hopi mas sigur, segun Huez.  

  • Corte di apelacion ta dicta na fabor di Gabinete Rutte. TDQ ta legal

    Corte di apelacion ta dicta na fabor di Gabinete Rutte. TDQ ta legal

    DEN HAAG – Gabinete Rutte debidamente tabata permiti pa usa e ley di emergencia pa impone e Toque de Queda. Cu esaki Gabinete Rutte a gana su caso den apelacion contra e funrdacion cu a bring’e pa para e TDQ. Siman pasa diamars corte di prome instancia a dicta cu gobierno mester a para e TDQ inmediatamente debi na su ‘ilegalidad’. Mesora Gobierno a pidi pa un huez suspende e decision ey pendiente tratamento di e apelacion algun dia despues. A concedi gobierno esey. E siguiente diabierna (un siman pasa) corte di apelacion a trata e apelacion pero a informa cu ta te cu awe diabierna, e lo a dicta e sentencia. Mientrastanto e TDQ tabata vigente. Cu e sentencia aki, gabinete Rutte por sigui cu e TDQ. A sigura cu e medida ta uno corecto y necesario pa yuda contene e brote di e virus aki.  

  • Sector horeca na Hulanda lo protesta otro siman y habri negoshi

    Sector horeca na Hulanda lo protesta otro siman y habri negoshi

    AMSTERDAM – E sector di horeca na Hulanda (parti anto) tin pensa di protesta contra medidanan extendi di gobierno Hulandes contra Covid19. Mientras cu a suavisa varios medida, esaki no tabata e caso pa e sector aki. Como tal un grupo di accion di 65 departamentonan local di e sector aki a dicidi pa haci un yamada na coleganan pa otro siman diamars protesta masalmente door di habri nan terasa y ricibi huesped. E grupo aki a bisa di a cansa y no por mas. A tene tur hende trankilo, pero awor no por tene nan mas keto.  

  • Besaril: Koelbox pa di dos fase di vacunanacion na caminda pa Aruba

    Besaril: Koelbox pa di dos fase di vacunanacion na caminda pa Aruba

    DEN HAAG  – ‘E cantidad di koelbox pa e di dos fase di vacunacion na Aruba ta na caminda pa nos isla.’ Esaki tabata palabranan di Minister  Plenipotenciario Guillfred Besaril na momento cu e carga di e koelboxnan a yega ayera, diaranson 24 di februari na e loods di Carib Intertrans na Capelle aan de Ijssen pa wordo transporta pa Aruba. Tambe presente director di Carib Intertrans Vladimir Römer.

  • A gara lote mas grandi di heroina di historia na Hulanda

    A gara lote mas grandi di heroina di historia na Hulanda

    ROTTERDAM – Na Hulanda autoridad a intercepta 1500 kilo di heroina. Segun ministerio publico, ta trata di e mayor intercepcion di heroina na Hulanda. E droga tin un balor di mas of menos 45 miyon euro. Den e investigacion a lgora detene 5 sospechoso. E droga tabata scondi den un container cu salo di Himalaya for di Pakistan. Basa riba informacion Britanico, a haci un entrada hudicial dia 9 di februari na un adres na Hulanda y a detene 5 persona. Segun corte di Rotterdam, 3 di e 5 personaan lo keda 3 luna deteni por lo pronto. Dos a recobra libertad pero ta keda sospechoso. Mientrastanto a destrui e droga. 

  • A suavisa medidanan na Hulanda pero Toque de Queda ta keda

    A suavisa medidanan na Hulanda pero Toque de Queda ta keda

    DEN HAAG – Mientras cu gabinete Mark Rutte a anuncia algun suavisacion di medida pa cu Covid19 diamars, e Toque de Queda ta keda vigente te por lo menos 15 di maart. Tiendanan por ricibi bishita entrante 3 di maart, basta nan a haci cita prome. Tambe por bishita pelukero. Ofishi den grupo ta permissible, pero aki tambe, solamente cu cita. Y deporte di contacto pafo ta possible pa hende di edad te 27 aña. 

  • Cantidad di casonan positivo pa dia di Covid19 na Hulanda a aumenta atrobe

    Cantidad di casonan positivo pa dia di Covid19 na Hulanda a aumenta atrobe

    BILTHOVEN – Entre diahuebs y diabierna mainta, tabatin 4761 test positivo di corona registra na Hulanda. Esaki ta atrobe mas cu e promedio di siman pasa cu tabata riba 3705 pa 24 ora segun cifra di Rijksinstituut voor Volksgezondheid en Milieu (RIVM). E cantidad di pashent hospitalisa a aumenta tambe durante e ultimo 24 ora. E cantidad di morto a aumenta cu 50. Diahuebs a registra 74 morto, diaranson 89 y diamars 88. Esaki no kier men necesariamente cu nan a muri den e ultimo 24 ora ya cu e cifranan ta wordo duna despues. Rotterdam tabatin e cantidad mas halto di casonan positivo cu 205, sigui pa Amsterdam cu tabatin 119, Den Haag 85. Despues ta sigui Zaanstad cu 81 caso y Purmerend cu 78 caso.

  • Powered by SETAR