Debi na accidente di truck, a plama azeta riba caminda na Noord

ORANJESTAD – Debi na un accidente di un truck riba caminda di Ponton na altura di e rotonde na Watty Vos Boulevard, DOW y polis mester a tene parti di e caminda ey cera por lo menos 5 ora diadomingo. Un truck cu tabata trek un ‘manlift’ (un tipo di lift pa haci trabou na halto) cu a bolter, a percura pa hopi azeta cay riba caminda cu consecuencia cu esaki a bira peligroso pa trafico. DOW y polis a cera e caminda pa por a haci e trabou necesario. Pa casi 5 ora e caminda a keda cera, y pa 6’or DOW a informa cu e caminda ey tabata habri atrobe. Menos mal cu esaki a sosode riba un diadomingo unda cu trafico tabata relativamente mas ‘trankil’. Potretnan ta cortesia di DOW.