Husticia Peruano ta exigi 18 aña extra di prison pa Joran vd Sloot

JULIACA – Fiscalnan Peruano a exigi 18 aña y 4 luna extra di castigpo di prison contra e conocido Joran van der Sloot, pa traficacion di droga den prison mes. Asina prensa Peruano ta informa diabierna. Ta papia cu ta mire como un coordinador di traficacion di droga den e prison unda cu e ta sintando castigo poa morto di un muher Peruano. Segun prensa Peruano, vd Sloot y su pareha Eva Pacohuanaco ta complice di hinca 300 gram cocaine y 140 gram di marihuana den e prison na Juliaca.   Na augustus di aña pasa Pacohuanaco a trece comestible pa vd Sloot, incluyendo 19 rooibiet, den cual tabatin e droga supuestamente hinca. Vd Sloot a bringa e caso indicando cu e ta victima di e prisoneronan ‘colega’ di dje. Tambe un huez Peruano a mustra cu e caso aki no tin peso y a bisa di lo desbarata e cargonan, pero atrobe prensa Peruano ta raporta lo contrario. 

CASTIGO

Van der Sloot ta sintando un castigo di prison di 28 aña debi na morto di e Peruana Stephany Flores. Na 2012 a sentencie pa e caso. E ta mundialmente conoci tambe pa ta sospechoso den desaparicion di e Mericano Natalee Holloway for di Aruba na 2005.