E boluntarionan di Freewinds a desinfecta KIA contra Covid19

SANTA PATIA - Pa evita e cu e virus (Covid19) plama, e maneho di KIA a puntra e boluntarionan di e barco crucero Freewinds pa desinfecta nan lugar. Manera ta conoci, e barco tin un grupo grandi di trahado cu a specialisa den limpiesa completo di facilidadnan, y sigur den temporada di e pandemia aki. Realisando e problemanan potencial cu lo surgi di un posibel andansa na prison,nan a tuma acción rapido y efectivo pa preveni esaki. Pa e motivo aki e boluntarionan a pasa nan weekend ta desinfectando e espaciomnan na KIA.

Después di un bishita na prison pa topa cu e Head of Business Operations, Achmed Nunes, a traha riba un plan entre e boluntarionan y e ehecutivonan di Kia, con pa resolve e problema grandi di desinfecta un facilidad asina compleha.

Un prison no ta un lugar caminda hende ta djis aparece pa traha. Tin cu sigi cu e preceduranan di seguridad y mester a traha riba e protocol.n Nan a parti e boluntarionan den equipo y tur a wordo asigna un parti di e compleho di Kia pa desinfecta. E intencion tawata pa traha mas eficiente cu ta posibel pa asina por caba cu e trabou prome cu weekend caba.  Esaki tawata djis e desinfección inicial.A wordo pidi pa e boluntarionan regresa KIA pa ripiti e proceso aki.