Conocido linguista arubano Mario Dijkhoff a fayece

ORANJESTAD – Aruba a perde otro conocido baluarte, y e biaha aki den mundo di literatura. E linguista arubano Mario Dijkhoff (64) a fayece awe na Aruba. Dijkhoff tabata hopi popular den mundo di e arte di palabra, y un experto riba tereno di e idioma papiamento. Hopi buki a keda publica di Mario Dijkhoff. E tabata e prome persona (hunto cu Magaly de Jesús) cu a publica un diccionario moderno, fuera di tur e otro bukinan cu el a publica! Un di su gran amigonan a laga un bunita dedicacion pe riba e red social Facebook “Cu Mario por keda den nos mente como un gran linguista Arubiano, cu tabata stima su lenga Papiamento!”. Na añanan 80 e tabata parti di un organizacion di lectura papiamento. E grupo tabata jama "Papiando Papiamento" hunto cu algun meastranan di skol cu a tuma e curso di papiamento na Biblioteca Nacional "PEA" Participacion Educacion pa Adultos. NoticiaCla.com ta manda palabra di forza na su famianan, y cu Mario sosega na paz.