Varios trahado di transport di CEA a keda contagia cu Covid19

ORANJESTAD – Varios trahado di Cuerpo Especial Arubano, seccion di transport a keda contagia cu Covid19. Esaki a keda confirma pa e hefe di e departamento diahuebs mainta pa medio di un carta interno cu e portal aki tin den su poder. Cu e situacion aki, e chens cu varios hende mas cu no ta CEA, tambe a keda contagia, ya cu e trahadonan aki por tabatin contacto cu varios departamento manera KIA, Ministerio Publico y Warda di Polis, unda cu nan ta acudi pa transporta e.o. preso. 

E SITUACION

Segun e carta di e director, un grupo di trahado a sinti simptoma cu por ta di Covid19. Esaki a pone cu nan a bay test y a resulta cu di nan, un grupo a test positivo y e otronan no. Esnan cu a test positivo a bay den isolacion y e otronan den cuarentena. 

CONTAGIO

Mirando cu nan ta percura pa transporte di preso pa varios departamento crucial, e departamentonan aki awor tin cu check si nan hendenan por a keda contagia tambe cu e virus aki y posiblemente lo mester bay test aworaki. No ta descarta cu nan tambe a keda contagia.