Cheerleaders Mericano di futbol Mericano a gana demanda den caso di video ilegal filma na Aruba

WASHINGTON – E ex grupo di cheerleaders di e ekipo di futbol Mericano Washington Football Team a yega na un acuerdo confidencial legal contra e ekipo e siman aki. E caso ta data di un video cu a keda saca na Aruba for di 2008, unda cu un persona di e ekipo di filmacion (Larry Micheal) a usa pidanan di e video unda cu ta wak parti sunu di e damanan cheerleaders y a haci un video aparte. Esaki sin conocemento di e cheerleadernan. Nan a demanda e ekipo y e caso a keda cla e siman aki cu un acuerdo mutuo legal, mas sigur den un forma financiero no conoci.  

E VIDEO

E cheerleadernan tabata na Aruba na 2008 pa filma y saca potret pa un promocion. Pero durante e filmacion, tabatin imagen di e cheerleaders cambiando paña, cu a expone e.o. nan pecho y parti mas priva, sin cu e cheerleaders tabata na altura cu lo usa esakinan. A resulta cu a traha dos video, uno na 2008 y otro na 2010. Mientrastanto dialuna e ekipo a suspende e programa di cheerleaders. Na juli aña pasa 17 di nan a bin dilanti cu demanda contra e ekipo, entre otro carga di acoso sexual. A demanda mas di 2 miyon dollar na daño. Mientrastanto e ekipo tin pensa di cambia e maneho aki y despues posiblemente re-posiciona nan mes miho. Potret cortesia Yahoo Sports.