Boardwalk Small Hotel a gana TripAdvisor® 2015 Traveler's Choice Awards

PALM BEACH – Boardwalk Small Hotel Aruba a caba di wordo reconoci entre e top 25 miho hotelnan pa servicio, y premia cu un Certificado di Excelencia di TripAdvisor®, un di e websitenan di viahe mas grandi na mundo.

E esfuersonan continuo haci pa e empleadonan di e hotel y e consistencia den ricibi y malcria huespetnan combina cu e profesionalismo y servicio personaliza a haci cu Boardwalk a merece e reconocemento internacional distingui aki.

E TripAdvisor® Certificado di Excelencia ta honra e negoshinan mas halto evalua di hospedaje, restaurant y atraccion, manera esakinan a wordo evalua pa biaheronan riba e website di viahe mas grandi na mundo. Pa cualifica, e negoshinan aki mester mantene un rating averahe di cuater of mas halto for di un total posibel di cinco, ora cu nan wordo evalua pa bishitantenan na e site. Criteria adicional ta inclui e cantidad di evaluacionnan y con recien nan a wordo skirbi pa biaheronan di TripAdvisor. E honor ta wordo extendi na negoshinan rond mundo y no solamente den Caribe, cu ta cualifica.

"Pa nos esaki ta e compliment di mas grandi," segun doño Kimberly Rooijakkers, kende hunto cu su ruman muhe Stephanie ta maneha e propiedad.