E seyo diskero local Palms Up Records a firma 5 talento local awe

Posted on 02/8/2021 5:11 pm AST | Updated on 02/8/2021 5:34 pm AST

ORANJESTAD – E seyo diskero local Palms Up Records awe a anuncia su creacion pa medio di su fundador, conocido musico y productor Michael Lampe. Lampe a anuncia e acuerdo unda cu e compania diskero Sony/ATV Publishing a bira socio cu Palms Up, cu automaticamente e artistanan local (di Aruba) firma cu Palms Up, ta firma cu Sony/ATV Publishing. E managing Director di Sony/ATV Publishing Niels Walboomers a presenta su mes via video, pa confirma e acuerdo internacional aki cu e compania local. Un total di 5 artista y productor local a firma dialuna durante e conferencia di prensa unda cu cada un di nan, hunto cu dos productor Hulandes cu tambe ta traha cu Sony, a splica cu nan ta contento di e oportunidad aki. E 5 talentonan ta entre otro 'Freddy Rasta', Lucius Kanar, 'Kriss Yo' (Christopher Lampe), 'DJ Speedy' (Howard Kock) y 'Sosy' (Nigel Hoek). Cu firmamento di e acuerdo aki, e artista ta keda representa tanto local como internacional, y ta haya tur asistencia necesario localmente, y esey ta tambe ayudo cu nan talento. Segun Lampe, esaki ta un boost enorme pa artistanan local, cu lo haya un chens pa expone nan producto no solamente local sino internacionalmente tambe. 

  • Powered by SETAR