Aruba a registra 21 caso nobo di Covid19 di cual 8 ta no residente

ORANJESTAD - Segun resumen di awe a registra un total di 21 caso nobo di Covid-19, di cual 8 ta no-residente. E cifra di no-residente positivo ta ensera no-residente cu ta test na aeropuerto na nan yega y na laboratorionan prome cu bandona Aruba.  Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 573 test. 'Postivity rate' entre nos residentenan ta 16% y 38 persona a recupera.

ACTIVO

Activo tin awe 327 caso, cantidad di fayecido relaciona cu Covid-19 ta 62.

HOSPITAL

Hospital ta informa cu tin un total di 18 persona interna di cual 9 ta den Cuido Intensivo y 9 riba unidad general di covid. Edad promedio di esnan ingresa pa extra cuido ta 64 aña.