Werksternan di SKOA ta wardando contesta di minister pafo di Bestuurskantoor

ORANJESTAD – E grupo di werksternan di SKOA cu a protesta diahuebs mainta dilanti Bestuurskantoor pa nan derecho, a bin para un dia despues (awe diabierna) dilanti e mesun Bestuurskantoor, en busca di un contesta. Segun e presidente di sindicato Simar sra Josephine Albertus, e minister encarga cu Labor Glenbert Croes, a priminti cu lo trata e asunto awe den conseho di minister. Como tal, e grupo a bin awe mainta y ta para pafor ta warda e reunion caba, pa nan haya nan contesta di e mandatario. No ta conoci ainda kico e resultado ta di e reunion. Keda pendiente pa desaroyo durante e proximo orananan. Esaki ta un noticia den proceso.