Hulanda ta manda mas di 80 mil vacuna contra Covid19 pa Caribe Hulandes

DEN HAAG – Hulanda ta mandando mas di 80 mil vacuna pa Caribe Hulandes proximamente. Mas specifico, Rijksinstituut voor Volksgezondheid en Milieu (RIVM) a reserve 81.900 vacuna pa nos islanan. Asina e director di RIVM Jaap van Delden a bisa Tweede Kamer den un splicacion tecnico, segun raportahe di Antiliaans Dagblad diabierna mainta. E vacunanan lo ta destina pa Aruba, Bonaire, Corsou y St Maarten. E prome mitar di esaki ta yega den e siman di 15 di februari riba e islanan respectivo. Aruba ta ricibi 12.005 vacuna. E intencion ta pa usa mas tanto e version di BioNTech/Pfizer y Moderna. Na Saba y St Eustatius, ta usa e vacuna Moderna pa henter e poblacion. 

EMPAKETA

E vacuna di Pfizer ta mas dificil pa maneha, ya cu e ta bin den empake grandi di 1.170 dosis y mester ta den un temperature di -70 grado celcius. Despues cu descongela esaki, por warde 5 dia mas. Ademas, mester hacie mas suave cu salo. Y cu e vacuna di moderna, esaki ta mas facil pasobra e ta bin den empake di 100 dosis y warda esaki den temperature di 2 pa 8 grado celcius.  Mientras cu mester duna e di dos dosis den 3 siman, Hulanda a cambia esaki pa 5.5 siman, pa asina por vacuna mas hende. 

ASTRAZENECA

E intencion ta pa ora cu e prome fase pasa, cuminsa cu e di dos fin di maart, unda cu lo vacuna e resto di e población, y lo haci esaki cu e vacuna di AstraZeneca.