Aruba presente na e ‘Cumbre di Caribe di Seguridad y Energia’ na Washington

WASHINGTON - Prome Minister di Aruba Mike Eman y Minister Mike de Meza a inicia nan participacion na e Cumbre di Caribe di seguridad y Energia, riba invitacion di vice presidente mericano Joseph Biden. Awe mainta e mandatarionan di Aruba a atende un desayuno y discusion ofreci door di Secretario di Estado Kerry den State Department pa discuti asuntonan encuanto cambionan cu e region ta enfrenta, specialmente con paisnan por traha hunto pa logra un acuerdo global riba cambio di clima.

Prome cu esey, na tabata den preparacion Preparando pa e siguiente panel di discusion riba e topico ‘Comprehensive Approaches to Energy Transformation’ den Department of State. E cumbre importante aki riba energia ta anfitrion di delegacionnan di 36 lider di paisnan Caribense como tambe 20 otro delegacion di actornan lider den e region, manera Banco Mundial, e Inter-American Development Bank, CARICOM, Canada, Union Europeo, Spaña, Gran Bretaña (UK) y Colombia . Prome Minister Mike Eman lo ta un orado durante e cumbre cu ta dura dos dia, (dianan 25 y 26 di januari). Banda di e mandatarionan di Aruba, e minister plenipotenciario di Aruba na Washington, Andy Lee tambe ta presente.