RIVM: No suavisa medidanan contra Covid19 mucho lihe

AMSTERDAM – E Organisacion gubernamental di Salud Hulandes esta Rijksinstituut voor Volksgezondheid en Milieu (RIVM) ta adverti contra suavisacion lihe di medida contra Covid19. Mientras cu e contagio y cifra di hospitalisacion no ta extremo, e variante ta mustra preocupante. Ta papiando di e variante di Inglatera, Brazil y Sur Africa. Tur ta na caminda segun RIVM.  Aworaki e variante di Inglatera ta causando 2 tercera parti di tur contagion na Hulanda, segun pensamento di RIVM. Mes momento RIVM ta alerta contra suavisacion muchu liher di e medidanan y tin cu haci esaki cu tur precaucion extremo.  “E variante Britanico ta hopi mas contagioso  y esaki por daña e situacion completo” RIVM a sigui bisa. Ta premira cu entre e siman aki y otro siman, e variante ta tuma over di e virus mes, esta cu e ta bay manda. Esey ta nifica cu casonan por aumenta y e contagio por sosode mas liher.