Corsou a prolonga medida contra Covid19 cu tres siman mas

WILLEMSTAD – Na Corsou a prolonga e medidanan contra Covid19 cu 3 siman te dia 22 di februari 2021. Asina prome minister di Corsou Eugene Rhuggenaath a anuncia dialuna. Mientras cu di otro banda e cifranan actual ta hopi bon (a registra 0 caso positivo ayera y tin apenas 62 caso activo), e problema ta e variante di Inglatera cu ta circulando aparentemente caba. Segun e epidemiologo local Izzy Gerstenbluth, no a registra nada oficial ainda na Corsou di e variante, pero no ta cuestion di si e ta bin, sino ki dia.