A tene entrada hudicial na Aruba y Corsou relaciona cu caso Avestruz

ORANJESTAD - Siman pasa 27 di januari 2021 Landsrecherche, bao guia di huez-comisario y den cooperacion cu RST (Recherche Samenwerkingsteam), a tene entrada hudicial na un compania na Curaçao y na un compania na Aruba. Asina ministerio publico a confirma dialuna atardi. E entrada hudicialnan aki a tuma lugar den cuadro di e investigacion di Landsrecherche di posible delitonan di corupcion y otro hechonan castigable rond di otorgamento di terenonan di gobierno entre 2009 y 2017. E investigacion aki ta conoci como Avestruz. 

Durante e entradanan hudicial a tuma beslag riba cargadornan di dato y administracion. Pa awor no a haci ningun detencion. Avestruz, den cual ta investiga e posible rol di un minister anterior (Benny Sevinger:red) , ta dirigi riba e pregunta si companianan a haya terenonan di erfpacht na un manera cu ta contra ley. E entradanan hudicial di siman pasa a keda cla.

E investigacion ta sigui. Na e momento aki Ministerio Publico no ta desea di duna mas informacion. Si bin mas desaroyo, lo comunica via comunicadonan di prensa.