Gremionan comercial kier Gobierno trata reforma cu urgencia

ORANJESTAD – E tres gremionan comercial Aruba Trade & Industry Association (ATIA), Camara di Comercio (KVK) y Aruba Hotel & Tourism Association (AHATA) ta pidi conseho di minister pa accion y un actualisacion di e plannan di reforma pa Aruba. Den un carta fecha 29 di januari 2021, nan a informa conseho di minister di nan preocupacion cu nan no ta wak un urgencia of progreso den inicia e reforma conoci como COHO. “Si tin progreso, no tin transparencia den e proceso” e carta fecha 29 di januari 2021 dirigi na conseho di minister ta bisa. “Nos ta realisa cu e proceso pa introduci e ley di Reino (Rijkswet) y COHO lo tuma tempo. Peor Aruba no por afford di para keto y warda” e carta ta sigui bisa. 

REPASA E SITUACION

E gremionan ta repasa e situacion di Aruba, splicando un biaha mas e problemanan economico cu tin, e dificultad di e companianan pa wanta nan cabez riba awa, y tur pa motibo di e efecto di e pandemia. Ta mustra cu companianan lo tine mas dificil den 2021 y cu e sosten continuo ta necesario.

PETICION

Na final un biaha mas e gremionan ta solicita di conseho di minister, pa fuera di tuma accion pa cu e reforma, pa esaki inclui reforma di ley laboral y pa e gremionan wordo inclui den e proceso pa defini e puntonan specifico di e reforma. Por lesa e carta complete AKI.