Total di 15 partido ta participa na Eleccion Parlamentario na Corsou

WILLEMSTAD – Un total di 15 partido politico ta bay particioa den eleccion Parlamentario na Corsou dia 19 di maart proximo. Ayera nochi segun e resultado di pre eleccion, for di 16 partido cu mester a colecta firma, un total di 8 a logra haya e cantidad rekeri di 789 voto cu ta pone cu nan tambe ta uni na e 7 partidonan cu no mester a participa den e pre eleccion ya cu nan a saca asiento den e ultimo eleccion na 2017. Por bisa cu e cantidad di voto colecta tabata record si compara esaki cu e pre eleccion anterior. Den e caso aki e aña aki casi 20 mil voto a keda deposita total den 2 dia, compara cu algo di mas di 6 mil voto total den e pre eleccion na 2017.  E sorpesa di anochi tabata partidp PNP cu a optene no menos cu 3.374 voto cu ta mas di 4 biaha e cantidad di voto necesario. Potret cortesia Extra Curacao.