A detene homber pa menasa y confisca droga

ORANJESTAD - Durante un entrada hudicial na cas di un persona deteni pa menasa a confisca basta droga. Recherche di Oranjestad den weekend a detene un hende homber di inisialnan E.P. Pa menasa. Por cierto un keho cu a wordo entrega contra e persona na 2020 y ministerio publico a haya cu tin suficiente base pa autorisa recherche di Oranjestad pa bay detene e persona aki. Na momento cu a bay hasi e entrada hudicial na cas di e persona aki situa na Tanki Leendert a encontra den un freezer na e cas aki un cantidad basta grandi di marihuana y cocaina. E droga aki a wordo confisca pendiente di mas investigacion. Pa Cuerpo Policial por resolve mas caso cooperacion y informacion di pueblo di Aruba ta hopi importante pesey polis ta pidi si bo tin cualkier informacion jama nos tiplijn: 11141. Ta garantisa cu bo ta keda anonimo. Nota: E potret ta di archivo di noticiacla, y ta solamente pa ilustracion.