Hulanda ta teme cu nan lo tin escases di vacuna contra Covid19

DEN HAAG – Hulanda ta teme cu Hulanda por tin problema di escases di vacuna contra Covid19 aki poco siman. Asina premier Hulandes Rutte a bisa diabierna den un conferencia. No ta sigur si esaki lo afecta Aruba su cargacion. Manera ta conoci Aruba ta ricibi su prome cargamento 15 di februari proximo. Hulanda ta un di e paisnan cu mas laat a inicia e proceso di vacunacion, y ta hayando problema pa cu esaki. Problema ta cu nan lo por ‘haal in’ e atraso, pero despues keda pega cu un escases. Y esaki ta pasobra Europa lo no tin suficiente. Premier Rutte a admiti cu Hulanda a cuminsa vacuna mucho laat, y cu hende no ta contento cu esey. Hulanda a conta cu e vascuna AstraZeneca lo a keda cla prome riba mercado, pero a resulta cu ta Pfizer/Biotec a ‘gana’ e careda. Cu e consecuencia cu tabatin problema logistico debi na e exigencia pa warda e vacuna. E hecho cu a conta riba AstraZeneca, a pone cu a haci e cambio laat pa Biotec/Pfizer cu consecuencia cu a haya e cargamentonan laat. Hulanda ta un di e paisnan mas laat pa vacuna pero esey no ta un preocupacion pa Rutte, mas e hecho cu lo tin un escases. E vacuna AstraZeneca mientrastanto a keda aproba pa e autoridad di salud Europeo EMA diabierna.