Crisis Team: Ta prolonga medidanan contra Covid19

ORANJESTAD – Crisis Team y Gobierno diabierna a anuncia cu ta prolonga tur medida na vigor actualmente despues di 31 di januari 2021. A keda dicidi tambe cu dialuna awor, despues cu haya e resultado di e diferente testnan cu a wordo manda Hulanda pa loke ta e variante nobo di Reino Uni, lo tuma e desicionnan necesario segun cu e resultado ta exigi. 

REUNION

A informa tambe cu ayera (diahuebs) a tuma luga e reunion pa analisa e ultimo desaroyonan relaciona cu e pandemia di Covid-19 na Aruba. A haci un evaluacion special di e situacion actual cu e variante di Reino Uni tambe presente awor den nos comunidad. A keda dicidi di cu dialuna pues lo tuma e decisionan necesario. No ta conoci si esaki ta nifica aumento di medida of simplemente adapta esaki.