Di banda di Hulanda no tin espacio pa retraso of paro den cortamento di gasto

DEN HAAG/ ORANJESTAD – Di banda di Hulanda (lesa: gobierno Hulandes) no tin espacio pa retraso of paro di cortamento di gasto. Asina fuentenan di noticiacla for di Hulanda (politiek Den Haag)  a informa e portal aki diahuebs. E motibo principal di e actitud aki, e fuentenan ta bisa, ta cu no ta mira ningun movecion bisto di parti di politica local (lesa politica di Aruba, tanto MEP como AVP) pa reforma Salud Publico y pa haci esaki pagable riba termino largo. “E meta di Hulanda ta pa cuido medico di Aruba no por wordo paga solamente awe pero tambe aki 10 aña. Y cu CAft a alerta Aruba caba riba esaki, te hasta prome cu Covid a haci su entrada”. A compronde tambe cu e posibilidad ta grandi cu si gobierno di Aruba duna aden y para e cortamento den gasto unilateralmente, cu esaki ta pone e pago di e proximo tranche (maart-juni) na peliger.