ORANJESTAD – Diahuebs ta bira conoci si Gobierno lo sigui conseho di Operationeel team/Crisis team pa loke ta medidanan pa cu Covid19. Awe mainta e team a reuni segun un di su miembronan Sharline Koolman (DVG) unda cu basa riba tur dato ricibi y acumula localmente di e pandemia, si ta conseha gobierno si mester sea añadi medida, mantene tur medida of laga algun medida cay. Unabez e decision ey cay, ta pase pa minister presidente cu diahuebs awor lo dicidi y haci e anuncio corespondiente.
MEDIDA
Tabata dialuna mainta cu e portal aki a raporta cu minister president a sigura cu ta bay aumenta medida e siman aki, basa riba e hecho cu Aruba awor a keda confronta cu e variante Britanico di e pandemia. Pero awe den conferencia di prensa, sra Koolman a bisa cu despues di e declaracion ey, e team a conseha e prome mandatario pa wanta un rato y wak con cos ta desaroya pa wak si ta necesario pa aumenta medida y of wanta esnan cu tin ‘in place’ te proximo aviso. Manera ta conoci, e medidanan escala ta vence diadomingo awor 31 di januari y tin cu dicidi si ta mantene nan of no.
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.