Elsa Krozendijk a pidi disculpa y retira di comision Reina di SMAC

ORANJESTAD – “Mi ta asumi tur responsabilidad di loke a pasa”. Palabra di e persona encarga cu e Comision di Reina di SMAC, Elsa Krozendijk, como reaccion di e fayo cometi ayera nochi den e eleccion di Reina Hubenil di carnaval 2015. Esaki unda cu a saca e reina robes na final di e certamen, y mester a coregi esaki rapidamente. Krozendijk, como esun responsabel pa e loke a sosode, ta esun cu a lidera e conferencia presenta awe merdia. Krozendijk a mustra mes momento e ta entrega retiro di su encargo pa e comision di Reina. “Mi no ta kere cu mi por continua cu esaki despues di loke a sosode ayera nochi” Krozendijk a sigui bisa. E la confirma si cu e ta keda encarga cu e parti di PR di SMAC. “Mi kier a bisa cu no solamente ami pero henter e comision, kier ta transparente y pidi disculpa, na e tres reinanan cu a competi pa reina hubenil di carnaval. Cansancio a pone cu mi no a follow up. ” Krozendijk a sigui bisa. Presente na e conferencia tabata tambe e algun reina y tambe e cuerpo di hurado cu tabata responsabel pa e eleccion di Reina Hubenil. Mas informacion ta sigui mas laat. Entre otro e motibo pakico no tabatin decoracion riba e stage durante e certamen, y otro asuntonan cu no a bay bon.