Croes: Ta monitoria decision di otro paisnan pa cu Aruba riba e variante nobo di Covid19

ORANJESTAD – Mientras cu a tuma nota di decision di Curacao (pa exigi un PCR test di tur biahero for di Aruba entrante awe diamars), e CEO di Aruba Tourism Authority, sra Ronella Croes a informa noticiacla diamars mainta cu ‘ ta monitorea di cerca posibel decision similar di otro paisnan’. Segun sera Croes tambe despues di a cera pa Brazil ayera, 25 di januari, ta sigui evalua di parti di Aruba pasonan similar pa otro pais, esaki entre medidanan cu ta wordo evalua. 

VARIANTE

Manera e portal aki a raporta ayera nochi caba, autoridadnan di Aruba a ricibi resultado di testnan cu a wordo manda Hulanda y esakinan a confirma cu 5 di e casonan di Covid tin e variante di Inglatera. Asina gobierno di Aruba a informa diadomingo atardi riba nan pagina di Facebook. Ta trata di 2 persona no-residente y 3 persona residente. E variante di Inglatera ta dos biaha mas contagioso cu esun original y p’esey autoridadnan ta haci un apelacion riba comunidad pa ta extra cauteloso. Den e siguiente dianan lo evalua medidanan aplicable pa e situacion aki.