Corsou ta exigi PCR test di esnan cu bin for di Aruba entrante awe

Corsou ta exigi PCR test di esnan cu bin for di Aruba entrante awe

Posted on 01/26/2021 7:45 am AST | Updated on 01/26/2021 7:46 am AST

WILLEMSTAD – Entrante awe diamars 26 di januari 2021, tur pasahero cu ta biaha pa Corsou for di Aruba, mester haci un PRC tet obligatorio, maximo 72 ora prome cu biaha pa Corsou. Apenas algun ora despues cu Aruba a anuncia cu e isla tin 5 caso di e variante Idi nglatera di Covid19, gobierno di Corsou a impone e medida aki como reaccion riba e noticia di e variante na Aruba.   

MAS INFO

Ademas, pasaheronan cu ta bula prome cu diabierna 29 di januari 2021 y no logra haci e PCR test aki prome cu nan buelo, mester haci un PCR tesrt ora cu nan yega Corsou. Den e caso aki, e pasaheronan mester keda den cuarentena obligatorio te ora haya resulado di e PCR test. Asina e informacion di gobierno di Corsou a bisa, dialuna anochi apenas algun ora despues cu Aruba su gobierno y crisis team a anuncia e medida nobo aki. 

E VARIANTE

Manera e portal aki a raporta dialuna anochi tempran,  autoridadnan a ricibi resultado di testnan cu a wordo manda Hulanda y esakinan a confirma cu 5 di e casonan di Covid tin e variante di Inglatera. Asina gobierno di Aruba a informa dialuna atardi riba nan pagina di Facebook. Ta trata di 2 persona no-residente y 3 persona residente. A compronde cu di e 3 residente, dos ta den un solo famia. 

CONTAGIOSO

E variante di Inglatera ta dos biaha mas contagioso cu esun original y p’esey autoridadnan di Aruba a haci un apelacion riba comunidad pa ta extra cauteloso. Pa loke ta eventual mas medida, a bisa cu den e siguiente dianan lo evalua medidanan aplicable pa e situacion aki. 

LIMITA

A pidi pa desde awor limita bishita na famianan. Limita encuentronan social. Limita contacto cu otronan, tanto na trabou como pafo di trabou.

  • Powered by SETAR