Bista grafico di acto protocolario riba Dia di Betico

ORANJESTAD – Manera custumber, riba Dia di Betico den oranan di mainta, ta tene e ceremonia protocolario pa recorda e fecha natalicio di Aruba su libertador Betico Croes. E aña aki sinembargo, debi na e pandemia Coronavirus, cos a bay poco diferente. No tabata permiti publico, y e grupo di invitado tabata sumamente limita. Asina limita cu ta apenas miembronan di gabinete Wever Croes, Gobernador, Presidente di Parlamento y yiunan di Betico Croes (dfm) so tabata presente. Pueblo por a sigui esaki den forma virtual solamente. A tene e evento completo cu discurso, cantamento y ponemento di krans, pero solamente sin publico.

E potretnan ta cortesia di Gabinete Wever Croes.