- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Hulanda a dicidi awe cu sosten humanitario pa Aruba, Corsou y Sint Maarten ta sigui
ORANJESTAD - Habitantenan di Aruba, Corsou y Sint Maarten por conta e lunanan benidero tambe cu sosten di gabinete Hulandes, asina a keda dicidi awe den Conseho di Minister, riba proposicion di Secretario di Estado Knops di Asuntonan Interno y Relacionnan di Reino. Den e tres paisnan aki ayudo di cuminda ainda ta hopi necesario.
Secretario di Estado Knops: “Den e lunanan tras di lomba mi a haci un bishita na Cruz Cora na Aruba, Corsou y Sint Maarten. Mi a papia cu habitantenan den nos Reino cu diariamente tin mester di ayudo di e organisashonnan aki pa por sobrevivi. Gabinete semper a duna di conoce cu lo no laga hustamente e grupo di hende vulnerable aki pa nan cuenta.”
Gabinete Hulandes ta haña hopi importante cu ta sostene e gruponan vulberable na Aruba, Corsou y Sint Maarten. Na Corsou na e momentonan aki mas of menos 15% di e poblacion ta depende di ayudo di cuminda cu Hulanda ta pone na disposicion y na Aruba y Sint Maarten mas of menos 20% di e poblacion. Na e momentonan aki ta asumi cu e cantidad di esnan cu mester di ayudo lo keda en todo caso igual te zomer. Cu e 14,9 mion euro aki ta garantisa e ayudo humanitario pa e tres paisnan te cu porlomenos april. Na maart gabinete ta dicidi tokante di prolongacion mas aleu.
DONACION
E tres paisnan aki den nos Reino a keda afecta pisa humanitariamente y economicamente pa motibo di e crisis di corona. E paisnan ta depende fuertemente di turismo, pero e sector aki ainda tin enorme dificultad pa motibu di e virus COVID-19. Cruz Cora ta coordina e ayudo humanitario aki. E lunanan benidero ta bay traha hunto cu e paisnan riba traspaso di programa di ayudo di cuminda, caminda ta schuif e responsbilidad di Cruz Cora pa gobierno local. Ta duna e 14,9 mion euro aki como donacion. E potret ta di archivo di noticiacla di september ora di hefe interino di VNO David Abraham a haci entrega di ayudo di Hulanda na Cruz Cora di Aruba.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
