WILLEMSTAD – Un total di 24 partido a entrega nan lista politico di candidato diahuebs durante curso di dia, valido pa participa na e proximo eleccion parlamentario dia 19 di maart proximo. Asina sr Pacheco Römer di Conseho Electoral di Corsou a informa diahuebs atardi durante un conferencia di prensa. Di e 24 partidonan, 7 no mester participa den e proceso di sostenemento di firma (pre eleccion), debi cu nan a participa den e ultimo eleccion y logra haya asiento. E demas 17 partidonan cu a entrega lista, si tin cu pasa den e proceso entrante otro siman riba dia 30 y 31 di januari 2021. Cu e entrega di lista, e proceso electoral oficialmente a inicia pa e eleccion aki. E biaha aki no tabatin e ‘folklore’ cu tin di custumber, esta cu sostenedornan ta acompaña e partido ora di entrega, debi na e protocol di Covid19. Potret cortesia Telecuracao.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.
ORANJESTAD - E di dos konferensia di trabou di SEA a tuma lugá awe i ayera na Kòrsou, unda tur isla di Karibe i Hulanda a partisipá. SEA, òf Aliansa Edukashonal Stratégiko, tin komo meta primario stimulá éksito den estudio i chèns igual pa studiante karibense. Ademas, a presta atenshon tambe na e prioridatnan di e proyekto SEA.
WILLEMSTAD – Juan Luis Guerra y 440, Maluma y Jennifer Hudson a keda añadi na e line up pa e proximo Curacao North Sea Jazz Festival na autustus proximo. Juan Luis Guerra ta presenta riba diabierna 30 di augustus y Maluma y Jennifer Hudson riba diasabra 31 di augustus. Fuera di e cantantenan grandi aki, tin Marc Anthony tambe y Eros Ramazoti cu ta presenta tambe durante e festival aki.
WILLEMSTAD – Mientras cu na Aruba, ta wardando kico Ministerio Publico ta bay haci cu e doño cu a maltrata su cacho Khaleesi, te cu e la muri, na Corsou, polis a detene un homber cu a tira un cacho mata. Tabata diadomingo pasa den e bario di Kanga, cu e homber aki di 31 aña a menasa un otro homber cu arma y maltrat’e y tira su cacho mata. E la bira fugitivo, pero finalmente diahuebs mainta 7’or polis a pone man riba dje na Suffisantweg. Despues a tene un entrada hudicial na su cas na Kanga. E homber ta deteni, pendiente e resultado di e investigacion.