Hulanda ta preparando Toque de Queda y prohibicion di biahe

DEN HAAG – Pendiente aprobacion di Tweede Kamer, Gabinete demisionario Rutte III ta introduci un Toque de Queda (TDQ) e fin di siman aki pa combati Covid19. Ademas ta introduci un prohibicion di biahe di cierto destinacionan manera Gran Brittania, Sur Africa y Sur America. Tambe ta reduci cantidad di persona pa bishita na 1 pa famia, y reduccion di cantidad na entierro di for di 100 persona te na 50 persona. 

TDQ

Unabez aproba pa Tweede Kamer, ta introduci e Toque de Queda for di 8’or y mei di anochi pa 4’or y mei di marduga. E meta ta pa entre otro reduci bishita di cas, aglomeracion di grupo, y trafico riba caya. Un grupo limita di persona ta exonera pa e medida aki. E medida aki ta valido te 9 di februari 2021. 

PROHIBICION DI BIAHE

Ta introduci tambe entrante diasabra awor, prohibicion di biahe for di Gran Britannia, Sur Africa y paisnan di Sur America. Biahenan di repatriacion di Hulandes, y periodista ta sigui normal. Pa mas detayes, por click AKI, pa mas informacion.