Aruba su cantidad di caso total activo pa Covid19 a bolbe pasa 500

ORANJESTAD – Despues cu un dia prome e cantidad positivo pa dia pa Covid19 a baha te 16 caso, den un dia esaki a cambia bek pa 72 caso diamars.  Segun resumen di awe, a registra un total di 72 caso nobo di Covid-19, di cual 70 ta residente y 2 no-residente. Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 610 test. 'Postivity rate' entre nos residentenan ta 23%.

ACTIVO

Activo tin awe 512 caso, cantidad di fayecido relaciona cu Covid-19 ta 52 persona.

HOSPITAL

Hospital ta informa cu tin un total di 31 persona interna di cual 10 ta den Cuido Intensivo y 21 riba unidad general di covid.