Hulanda ta anuncia medida extra contra Covid19

DEN HAAG – Gabinete demisionario Rutte ta bin cu medida extra e siman aki ainda contra Covid19. Diaranson merdia ministernan Rutte y de Jonge lo bin cu un conferencia di prensa y anuncia esaki. Ta mustra cu e motibo principal ta pa combati e efecto di e variante Britanico di e virtus. Ta mustra cu e variante aki ta 30% mas contagioso y cu pa otro luna e ta afecta mitar di e contagionan. Como tal ta haya necesario pa bin cu mas medida. Entre nan, un toque de queda, y mas limitacion riba bishita. Tambe cera frontera geografico ta un opcion. Tambe un prohibicion pa sali di bo cas ta un opcion.