- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
- Presentacion ‘Bulletproof Sleep’ riba Syndroom di Apneu, na Biblioteca Nacional Aruba
- Aruba ta co-anfitrion di Torneo futbol Damas U15 Concacaf cu Trinidad y Costa Rica
- Doño di cacho abusa ‘Khaleesi’ ta dilanti huez fin di mei
Diahuebs awor partidonan politico ta entrega nan lista na Corsou
WILLEMSTAD – Diahuebs awor (si tur cos sigui manera mester), un cantidad record di partidonan politico lo entrega nan lista di partido politico valido pa e proximo eleccion. Mientras cu ta indica cu tin sigur mas cu 20 partido, ainda Konseho Supremo Elektoral no sa ni por bisa exactamente cuanto partido tin pa eleccion 2021
Parlamentario cu ta tuma lugar dia 19 di maart di e aña aki. E portal aki tin algun di e listanan aki caba den su poder, mientras cu e mayoria falta si ainda. Esakinan sea no ta cla ainda of no a keda publica. Relaciona cu COVID19, tin reglanan cu a keda implementa pa sigura cu tur cos ta marcha bon. Pa motibo di COVID19, e entrega di Lista di Candidatonan ta tuma luga na WTC den Exhibition Hall.
Pa motibo di cambio temporal di Ordenansa Electoral e orario pa por entrega lista a bira 9or pa 6or. (Ley tabata bisa 9or pa 4or). (PB 2021 no 5 a keda publica\ 15 di januari 2021)
Maximo 3 persona di cada partido por drenta den sala pa entrega lista cumpliendo cu e medidanan di COVID-19 stipula.
E folklor (parada) di Entrega di Lista cu ta conoci no por tuma luga e aña aki.
Diasabra 30 y diadumingo 31 di januari proximo tin Sostenemento di Lista. Esaki ta tuma luga di 08:00-20:00. Tin 11 localidad cu en total 14 urna caminda e votado por duna su sosten na e partidonan cu kier bay eleccion cu aktualmente no tin asiento den Parlamento. Cada partido mester haña 789 voto di sosten, cual ta 1% di 78.830 cual tabata e votonan valido di e delaster eleccion na 2017.
Click riba e respectivo nomber di partidonan, pa nan lista. PAR, PIN, MAN, KUMUN, MAVIS.
Cantidad di hende condecora na Corsou ta hopi menos cu Aruba e aña aki
WILLEMSTAD – Mientras cu e biaha aki tabatin 12 condecoracion mas cu aña pasa (42 compara cu 30 aña pasa) riba e islanan di Reino Hulandes, e isla tin hopi mas hende y den tamaño tambe ta cuater biaha mas grandi cu Aruba, Corsou tabatin ‘apenas’ 8 ciudadano cu a haya Condecoracion Real, compara cu Aruba, cu a haya 18. Na Hulanda tabatin 3333 persona cu a haya condecoracion.
E ferry entre Venezuela y Corsou ta cuminsa opera fin di 2024
CARACAS – E plannan pa activa e ruta di ferry entre La Vela de Coro y isla di Corsou, ta sigui, pero tin un retraso temporal den su ehecucion. Asina e representante di e empresa Caribbean Fast Ferry, Iliana Martínez, a declara diahuebs na e portal El Nuevo Dia. E empresa a cuminsa cu e construccion di e waf y terminal na e zona franca di Corsou, pero un restructuracion di e empresa Hulandes a alarga e culminacion di e trabou. No obstante esey, ta premira cu pa e di tres of cuater trimester di e aña, ta inaugural e ferry. Martínez a splica cu e disposicion di e waf na e boca di Santa Ana a keda estableci pa probecha e bentaha di e mercado y cu ambos pais lo beneficia. E intencion ta pa compete cu e prijsnan di Panama. A splica cu ora cu caba completa e prome fase, cu ta construccion di e haf, lo sigui e proceso di permisonan necesario. E di tres fase lo ta pa eleva Parlamento di Corsou pa e apertura di mobilisacion di e pasaheronan. Ta premira cu e intencion ta pa e ferry transporta 86 pasahero. E intencion di e prome fase ta pa transporta solamente pawsahero, sin auto, pa despues tambe inclui auto. E intencion ta pa permiti turistanan Hulandes, cu ta bin pa temporada largo, pa duna nan e posibilidad pa bishita Venezuela asina tambe.
Gobierno na Corsou kier solucion pa situacion di calor no perhudica muchanan na scol proximamente
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
Helicopter y avionnan nobo di Wardacosta Caribe Hulandes ta operacional
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Follow NoticiaCla
