Casonan positivo diario di COVID19 na Aruba ta bahando

ORANJESTAD -  E casonan positivo diario di COVID19 na Aruba ta bahando. Segun e resumen di awe, a registra un total di 30 caso nobo di COVID-19, di cual 23 ta residente y 7 no-residente. Esaki ta e di 6 dia cu a registra un bahada. Mester tene cuenta si cu e cifranan riba diadomingo y dialuna casi semper ta abou debi cu ta registra casonan di fin di siman y esey semper ta menos. Asina mes, Despues di e cantidad di 94 caso positivo dia 8 di januari ultimo, cu excepcion di dos dia di weekend, e cantidad a. bin ta baha diariamento y awor a yega te 30. Pero atrobe, tene cuenta cu fin di siman, e cifra ta baha. Den weekend ultimo unda cu a conta 10 y 11 di januari ultimo, e cantidad a bay te 26 y 28 caso respecticamente, djis pa subi atrobe te 86 e siguiente dia. Pero despues di esey, atrobe henter siman el a sigui baha. Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 580 test. 'Postivity rate' entre nos residentenan ta 18%.

ACTIVO

Activo tin awe 460 caso, cantidad di fayecido relaciona cu COVID-19 ta 52 persona.

HOSPITAL

Hospital ta informa cu tin un total di 26 persona interna di cual 11 ta den Cuido Intensivo y 15 riba unidad general di COVID.