Gabinete Rutte III a cay awe

DEN HAAG – Gabinete Rutte 3 a cay diabierna mainta na Hulanda. Manera tabata di spera, durante e Conseho di Minister diabierna mainta e decision a cay, y e motibo ta e asunto di pago di toeslag di algun aña pasa. Cu esaki, e gabinete ta bay cas, faltando 2 luna pa eleccion di Tweede Kamer. Premier Rutte lo entrega retiro di su gabinete cerca Rey Willem Alexander, y lo tene un conferencia di prensa mas laat pa relata riba e decision aki.  E affair a causa cu miles di decenas di famia a wordo perhudica door di e gabinete cu ta pone cu dificilmente e gabinete por a keda. E gabinete ta sigui demisionario awor, y e maneho di COVID19 lo keda. Y tur minister lo keda normal cu nan cartera. 

EFECTO PA ARUBA

E unico efecto cu esaki tin ta e sosten di likidez pa Aruba y e otro islanan, cu awor tin cu bay cada bez via Tweede Kamer, cu defacto lo no nenga di sigui duna sosten, pero e por tarda un poco mas awor. E motibo cu ta Tweede Kamer tin cu dicidi awor, ta cu Gabinete no por tuma decision mas riba e tema aki.