Triple A NV a gradici su business partnernan pa logronan di 2014

ORANJESTAD – Aruba Airport Authority N.V. (AAA) por mira atras riba un aña yena cu logro, desafio y oportunidadnan grandi pa futuro. A nota cu e cifranan preliminar pa 2014 ta mustra un patronchi di crecemento positivo den e trafico di pasahero y di movecion di trafico aereo y esaki tabata motibo suficiente pa celebra, aunke, aeropuerto di Aruba a uza e evento anual aki tambe pa mustra su aprecio pa e compromiso, trabou duro y dedicacion di su aerolineanan partner y business partners. Durante e anochi aki AAA a haci entrega di 2 award special na 2 partner cu a resalta den 2014. CEO di AAA Sr. Fazio a entrega e AAA Partnership Award 2014 na Grenspolitie di Aruba y e AAA Airline Partnership Award 2014 na United Airlines. E potretnan ta ilustra e otorgamento di e AAA Partnership Award na Sr. Mario Werleman di Grenspolitie Aruba y tambe di e otorgamento di e Airline Partnership Award na Sr. Eric Gumbs di United Airlines.