Crisis Team ta comfortable cu e efecto di medidanan ‘ahusta’ di COVID19

ORANJESTAD – Gobierno y Crisis Team ta satisfecho cu e medidanan adicional tuma recientemente pa combati COVID19. Asina minister presidente Evelyn Wever a bisa noticiacla durante e conferencia di prensa riba COVID19. Ora cu papia cu ta confortable, ta referi tambe na e Toque de Queda (TDQ) cu a wordo ahusta pa drenta na vigor mas tempran, esta di 11’or di anochi pa 5’or di marduga. No ta necesario pa ahusta e medidanan den sentido pa aumenta esaki, y ta tene como fecha di evaluacion, como 31 di januari 2021 unda cu lo sea cancela of ahusta e medidanan.